Mae Ewan Watkins yn Ddylunydd Graffig brwd sy’n gweithio yn Ne Cymru. Mae ganddo foeseg waith wych ac mae’n wir mwynhau bod yn Ddylunydd Graffig. Mae brandio, gwefannau, dylunio apiau a golygyddol i gyd yn feysydd y mae’n eu mwynhau’n arbennig. Mae’n dwlu ar y broses o ddod â phrosiectau’n fyw o fraslunio a thaflu syniadau i ganlyniad ar gyfer sgrin neu brint. Mae ganddo gariad at symlrwydd a chynhyrchu canlyniadau diffwdan, proffesiynol.

Yn siaradwr Cymraeg rhugl, gall addasu ei ddyluniau’n rhai dwyieithog yn hyderus. Yn ystod ei amser yn y Brifysgol mae e wedi magu hyder yn sylweddol drwy ymroi cant y cant i’w waith drwy gydol ei raglen radd. Mae bod yn y Brifysgol wedi caniatáu iddo weithio ar amrywiaeth o brosiectau ac wedi rhoi’r cyfle iddo arbrofi a dod o hyd i’w arddull ei hun. Hefyd, mae wedi dangos iddo sut y gall Ddylunio Graffig wneud gwahaniaeth i’r byd trwy gyfathrebu gweledol effeithiol. Mae’n ddylunydd amryddawn sydd â’r gallu i weithio’n unigol ac yn rhan o dîm mewn unrhyw amgylchedd. Mae’n llawn cymhelliant ac yn deall nad bod yn y brifysgol yw ben y daith addysg am ei fod yn bwriadu dal ati i ddysgu a thyfu.